Mellom  650-680 barn og unge har deltatt på sommaraktivitetane i år.

• Eg må få skryte av alle som har vore med på dette, både deltakarar og hjelparar. Både foreldre og deltakere har vore fornøgde med aktivitetane i sommar og er glade for at vi arrangerer dette, seier Ernst Valderhaug ved Frivillegsentralen.

Giske kommune sin nye ungdomsarbeidar, Veronica Fauskan har også vore med og hjelpt til på nokre av aktivitetsdagane. Mange lokale krefter har vore involvert, Giske Golfklubb, Giske motorsportklubb, Giske Vannsport, Godøy Diskgolf, Alnes active og IL Valder har deltatt med sine aktivitetar.

• Vi har også i år besøkt Valldal aktivitetspark og Akvariet i Ålesund som er svært populære aktiviteter, seier Valderhaug.

Sommaraktivitetane har fått økonomisk støtte både frå Bufdir og Sparebanken Møre.