Sendinga blei opna med ei helsing til dei tilsette frå kunnskaps- og integreringsminister Guri Melby. Ho skrytte av måten barnehagane har jobba på med å heve kvaliteten i barnehagane.
Vidare i sendinga losa pedagogisk rådgivar barnehage i Giske kommune, Cecilie Holen, og seniorrådgivar barnehage i Sula kommune, Jeanette Reiten, tilhøyrarane gjennom utviklingsarbeidet. For å arbeide målretta og heilhetlig med leiarskap i barnehagen og implementering av rammeplanen, knytte kommunane til seg ekstern kompetanse og rettleiing gjennom Grete Helle og Tom Rune Fløgstad i Ringer i vann. Kommunane hadde eit mål om god kvalitet i alle barnehagane, da alle barn, uavhenging av om barnehageeigeren er kommunal eller privat, er kommunen sine innbyggera. Kommunane var opptatt av å reduserer graden av «flaks/ uflaks» for barna til eit minimum.
Gjennom årlege samlingar for alle tilsette har Ringer i vann sørga for at alle tilsette har eit felles kunnskapsgrunnlag. I tillegg har det vore halvårlige leiarsamlingar der pedagogiske leiarar og styrarar har fått opplæring i utviklings- og læringsverktøy. Det har styrka dei som leierar av den lærende organisasjonen barnehagen er.
Giske kommune og Sula kommune ønskte å arbeide aktivt med innhald og kvalitet, med mål om å gjere enkeltbarnet godt rusta for livsmeistring her og no, og for framtida. Det har vore gjort strålande arbeid både internt i kvar barnehage, og også i grupper på tvers av kommunane.
I samarbeid med Fuglefjellet har dei tilsette laga ein film der dei fortel om tema dei har jobba med i utviklingsarbeidet:
- nærmiljø og samfunn
- turar og leik i naturen
- fysisk aktivitet og sansemotorikk
- søvn
- tryggheit, omsorg, tilknytting og hjerneutvikling
- velkomst og avskjed i barnehagen
- leikemiljø i barnehagen
- handlingsplan mot mobbing i barnehagen
- heilskapleg tenking i det spesialpedagogiske arbeidet
- progresjon i barnehagen
- førskulearbeidet i barnehagen
- kreativ bruk av IKT i barnehagen
- pedagogisk dokumentasjon
Eit av måla i utviklingsarbeidet har vore å lage ein handlingsplan for å få minoritetsspråklege barn tidlegare inn i barnehagane. Foreldre frå ulike land har delt sine erfaringar frå barnehagen i enno ein film laga i samarbeid med Fuglefjellet.
Dagen blei avslutta med stemningsrapportar frå alle barnehagane, som fulgte sendinga frå kvar sine kantar. Ein skikkelig festdag for dei tilsette i barnehagane i dei to kommunane! Og no har også alle barna i Giske kommune og Sula kommune flaks, uansett kva barnehage dei går i!