Denne veka er det gjennomførd brannvernopplæring for barnehagane i Giske kommune. Vi har hatt fire grupper med barnehagetilsette fordelt over to dagar.  Ålesund brannvesen har stått for opplæringa, og det har vore to lærerike dagar med fokus på brannvern både på jobb i barnehagen og heime. Den teoretiske delen blei etterfylgt av ein praktisk del der alle fekk prøve å sløkke med brannsløkkingsapparat, ei nyttig erfaring å ha med seg. Stor takk til brannvesenet for ei kunnskapsrik og flott gjennomførd brannvernopplæring.