Den nye forskrifta er basert på sjølvkostprinsippet, der kvar abonnent skal dekke eige forbruk. I ny forskrift vil abonnentane betale fastledd etter ulike kategoriar basert på om abonnenten er bustad eller næring.
Bustad- og fritidseigedom skal betale abonnementsgebyr som ein fast sats per bueining.
Nærings- og kombinasjonseigedom (feks. gårdsbruk) skal betale fastgebyr etter fastsette kategoriar i gebyrregulativet. For desse vil fastgebyret vektast slik at det står i forhold til abonnentane sin del av kommunen sine infrastrukturkostnadar knytt til vatn og avløp. Næringsabonnentar i ny forskrift vil bli inndelt i sju ulike kategoriar som gir frå ein til hundre fastledd som utgjer abonnementsgebyret.
Frå og med 2024 er alle næring- og kombinasjonseigedomar pålagt å vassmålar. Dei som ikkje enda har det, vil få stipulert forbruk utifrå eigedomens bruksareal.
| Næringskategoriar | Tal fastledd | m3 låg | m3 høg |
| Kategori 1 | 1 | | 300 |
| Kategori 2 | 3 | 300 | 1 000 |
| Kategori 3 | 6 | 1 000 | 3 000 |
| Kategori 4 | 12 | 3 000 | 6 000 |
| Kategori 5 | 24 | 6 000 | 30 000 |
| Kategori 6 | 50 | 30 000 | 75 000 |
| Kategori 7 | 100 | 75 000 | <75 000 |
Meir informasjon om gebyrendringa finn du her:
Ny Forskrift om vass- og avløpsgebyr, Giske kommune ( 2024) :
https://lovdata.no/dokument/LF/forskrift/2023-09-28-2456
Nye Gebyr og betalingssatsar, Vedtak i Giske kommunestyre 07.12.2023:
https://www.giske.kommune.no/_f/p1/i49adcee7-8229-43fa-b271-c06b9e8114fa/gebyr-og-betalingssatsar-for-giske-kommune-2024-giske-kommunestyre-07122023.pdf
E