Hjelp til å behalde eller skaffe bustad

Boligsosialloven gir vanskelegstilte på bustadmarknaden rett på bustadsosial bistand. Formålet med lova er å førebyggje bustadsosiale utfordringar, og bidra til at vanskelegstilte på bustadmarknaden skal få hjelp til å skaffe seg eller behalde eigna bustad. 

Kommunen har ansvar for å gi individuell hjelp med fokus på meistring og sjølvstende. Ein kan gi bistand i form av råd og rettleiing, hjelp til å søkje støtteordningar som startlån eller bustøtte, eller praktisk hjelp til å skaffe bustad.

Lov om kommunane sitt ansvar på det bustadsosiale feltet (Boligsosialloven) 

Korleis kan kommunen bistå deg?

• Er du i ein nødsituasjon utan plass å bu, ta kontakt med NAV Giske
• Ønsker du å søkje startlån så søkjer du om dette på Husbanken – startlån 
• Ønsker du å søkje bustøtte så søkjer du om dette på Husbanken – bustøtte 
• Dersom du til dømes treng råd og rettleiing eller praktisk hjelp til å skaffe bustad, så kan du nytte søknadsskjema for bustadsosial bistand og skrive i søknaden kva du treng hjelp til Søknad om bustadsosial bistand