I 2. klasse går det 8 gutar og 17 jenter. Det blir 25 elevar til saman! Vi er gode klassevenner, og vi vil at alle skal ha det trygt og godt i klassa. Første veka i 2. klasse laga vi klassereglar, og dei prøver vi å vere flinke til å fylgje. Alle vaksne synes det er fint å vere i klassa vår fordi vi er så greie.

Vi er skjermfrie i matpausen, det betyr at vi et mat og frukt utan å sjå på TV. Då sit vi fint på plassen vår og snakkar saman med dei som sit på same gruppe som oss, og så latar vi som vi er på kafè. Det er roleg musikk i bakgrunnen.

Favorittleiken vår er hjørneleiken. Den får vi halde på med når vi treng ei lita pause, eller når vi har vore flinke til å jobbe.

Vi har to klassebamsar som heiter Dina og Diego, og er tvillingar. Dei får vere med oss heim i helgane. Det synes vi er kjekt.