Som alle skulane i Giske kommune har vi nettbrett 1:1 for alle elevane. Elevane får kvar sin iPad med tastatur utdelt ved starten av nytt skuleår. iPaden er eleven sitt viktigaste digitale verktøy gjennom heile ungdomstrinnet. I tillegg nyttar vi PC til program som Excel, Geogebra og Paint. PC er også arbeidsverktøy til eksamen i tråd med gjeldande eksamensform.  

Læringsplattforma vår er Showbie, og er den same som elevane er vande med å bruke i barneskulen. I Showbie lagar lærarane «rom» for kvart fag og for Arbeidsplanen. Arbeidsplanen er vårt reiskap for å strukturere veka for elevane, og gir oversikt over fag, innleveringar, lekser, framføringar, prøver, turdag eller anna som er relevant for elevane i si planlegging, gjennomføring og evaluering.