Næringsstruktur
Fiskerinæringa er enno viktigaste næringsgrein i kommunen med nesten 1/3 av alle sysselsette på land eller sjø, dessutan har mange arbeid i tenesteytande næringsgreiner. Giske har også ei overvekt av sysselsette innanfor transport/ samferdsel: Mange har arbeid ved Ålesund Lufthamn Vigra, den største flyplassen mellom Bergen og Trondheim med omlag 3/4 mill. reisande årleg.
Omsetning
Dei vel 7.000 bebuarane i Giske handlar varer for om lag 210 mill kr eks mva. årleg. Det har kome fleire nye eller utvida kjøpesentra i kommunen siste åra, og dette har betra omsetninga spesielt innanfor daglegvare-sektoren.
Satsingsområde
I Giske kommune vert det satsa på å tilretteleggje areal for industri- og næringsverksemd - spesielt knytt opp mot flyplassen som er porten til og frå Sunnmøre, og ved Gjøsundet mellom Valderøya og Vigra. Gjennom arbeidet med prosjektet "Porten til Sunnmøre", kommuneplan og strategisk næringsplan har ein fokusert på dei viktigaste næringsareala i kommunen.